الحجاب

السلام عليكم ورحمة الله وبركاتة

فى الحقيقة اللى خلانى أتكلم فى الموضوع دة هو اللى بقيت بشوفة الأيام دى .. اللى لابسة ايشارب على بنطلون جينس ضيق واللى لابسة جيبة قصيرة واللى مبينة نُص شعرها .... إلخ

فى الحقيقة أنا مش بتريق ولا بستهزأ من البنات دى يمكن يكونوا مش عارفين الحجاب الصح .. واللى المفروض اننا بنلبسة مش علشان نحط مجرد طرحة على شعرنا .. لأ الحجاب المفروض نلبسة واحنا مقتنعين اننا المفروض نعمل بية ..

ودى مواصفات الحجاب المفروض علينا :

الصورة دى قالت آلاف الكلمات بجد .. المُختصر المفيد .. وأعتقد مش محتاجة شرح خالص :D

ولازم نعرف ان الحجاب عبادة وليس عادة .. أيوة عبادة انتى مش طيعتى ربنا ونفذتى اللى أمرك بية .. لية بقى متنفيذيهوش صح علشان نؤدى العبادة دى صح وعلى أكمل وجة ؟!  

والمقولة دى عجبتنى أوى :

أى نعم أنتى كالدرة المصونة  .. لية منتمسكش بحجابنا الصحيح علشان نكون كلنا جواهر ..

الحجاب مش بمجرد انك تحطى طرحة على شعرك وبس ياريت نلتزم بلبسنا وحجابنا الصحيح وكمان نعمل بية ..

كان فى حلقة سمعتها للداعية مصطفى حُسنى بجد أكثر من رائعة لما سمعتها أنا نفسى غيرت حاجات كتيرة فى طريقة لبسى وحجابى .. بس للأسف مش لقياها ياريت اللى يلاقيها يحط لينك ليها 

أُذكر نفسى وإياكم ..

ودى خاطرة لـــ دكتور خالد أبو شادى عن الحجاب وبجد جزاكى الله خيراً سارة على عرضهم علينا

 

 

المُتحابـــون فــــى اللـــــه

السلام عليكم ورحمة الله وبركاتة

راح فين الحب فى الله .. الناس بقيت بتتعامل مع بعض علشان المصالح وبس وللأسف الشديد الموضوع دة بيزيد .. ان اللى قدامك بيقول انا عايز أعرف الشخص دة علشان يعملى كذا والشخص دة علشان يعملى مش عارف اية وبعد كدة كأنهم ميعرفوش بعض .. كل اللى أنا أعرفة ان دى مش من أخلاق المسلم الحق اللى بيحب أخوة ويتمنالة الخير وينصحة ويعرفة لوجة الله ويحبة لوجة الله مش علشان المصلحة !!!

إن المتحابين فى الله لهم المنازل العظيمة يوم القيامة فهم فى ظل الله على منابر من نور يحبهم الله سبحانة وتعالى ويُحشرون معاً .

عن أنس رضي الله عنه قال: سمعت رسول الله صلى الله عليه وسلم يقول: “ثلاثٌ من كُنَّ فيه وجد بِهِنَّ حلاوة الإيمان: أن يكون الله ورسوله أحب إليه مما سواهما، أن يحب العبد لا يحبه إلا لله، وأن يكره أن يعود إلى الكفر بعد أن أنقذه الله منه كما يكره أن يقذف في النار”

يقول ربنا جلَّ وعلا:  “أين المتحابون بجلالي؟ اليوم أظلهم في ظلي يوم لا ظل إلا ظلي “

لو عايزين نستظل بظل الله يوم القيامة ياريت نحب بعض فى الله مش للمصلحة ونخاف على بعض ونتقى الله فى بعض ونحب لبعض الخير ونساعد بعض فى كل حاجة . نساعد بعض فى اننا نعلى أخلاق بعض واننا نتفق على الحاجات الحلوة نطبقها مع بعض .. يعنى أنا وصحبتى  بنتفق اننا نرن لبعض على صلاة الفجر هو دة الحب فى الله اننا نتفق على حاجات تعينا على ذكر وحب الله .

أُذكر نفسى وإياكم ..

 

لا تنســــى أبداً ذكـــــــــر الله

السلام عليكم ورحمة الله وبركاتة

فى الأول خالص كدة عايزاكم تسمعوا الأغنية دى 

لا تنســــى أبداً ذكـــــــــر الله 

ذكر الله نعمة كبرى، ومنحة عظمى، به تستجلب النعم، وبمثله تستدفع النقم، وهو قوت القلوب، وقرة العيون، وسرور النفوس، وروح الحياة، وحياة الأرواح

ما أشد حاجة العباد إليه، وما أعظم ضرورتهم إليه، لا يستغني عنه المسلم بحال من الأحوال.

 

 قال تعالى " :يَا أَيُّهَا الَّذِينَ آمَنُوا اذْكُرُوا اللَّهَ ذِكْراً كَثِيراً "  

الأحزاب:41

تعالوا كمان نِشوف الحديث دة :عن أنس رضى الله عنة قال رسول الله صلى الله علية وسلم: يقول الله تبارك وتعالى : "أخرجوا من النار من ذكرنى يوماً أو خافنى فى مقام".

الحديث دة بيبن ان أقل الأعمال تُقربنا اللى الله .. فهل تبخل أن تذكر الله ولو لمرة واحدة فى اليوم ..

 وفى ناس بتسأل  يعنى أذكر الله ازاى يعنى ؟ تذكر الله بأنك تقول أذكار الصباح وأذكار المساء .. تُذكر الله بإنك تستغفر الله وتِحمدة طول الوقت فى السراء والضراء .... انك قبل ما تعمل أى حاجة فى حياتك اليومية تسمى بالله  وقبل ماتيجى تِذاكر تقول الأدعية اللى بتتقال قبل المُذاكرة وكمان أدعية بعد المذاكرة وقبل امتحانك قبل أى حاجة تعملها فى حياتك .. يعنى من الأخر انك دايماً تكون فاكر ربنا سبحانة وتعالى فى كل وقت وفى كل حين .. فلنبدأ جميعاً بذكرة سبحانة وتعالى وربنا يجعلنا من الذاكرين الحامدين المستغفرين وأن يرزقنا خشيتة و الخوف منة والقرب الية ..

أُذكر نفسى وإياكم..

 

الذهب الضائع

السلام عليكم ورحمة الله وبركاتة

 طبعاً كلنا عايزين نعرف اية هو الذهب الضائع .. وفى الحقيقة سميتة كدة لأنة أنفس مايملكة الإنسان وأكتر حاجة بيضعها فى حياتة عارفين هو اية ؟

أيوة هو دة "الوقت" .

إن الوقت أنفس مايملك الإنسان فهو رأس مالة وقيمة الوقت تكمن فى أن الله عز وجل جعلة فرصة للإيمان والعمل الصالح وهما سبب السعادة فى الدنيا والآخرة

قال تعالى :

ويقول أيضاً : 

وجميعنا نعرف الحكمة الغالية

  
والفراغ لص مُحترف والعقل فريسة مُمزقة لهذة الحروب الوهمية ولذلك من فضل الله أن يُلهم العبد استغلال كل ساعة من عُمرة فى العمل ..

فإحرص دائماً على الإستفادة من كل لحظة فى عُمرك .. ويجب دائماً أن ندير وقتنا جيداً بحيث نستفيد من كل ساعة ومن كل دقيقة ومن كل ثانية ..

وخطط لكل ساعة من عُمرك علشان لما تقابل وجة كريم متقولش ياريتنى كنت عملت .. انت قُدامك الفرصة تعمل وتنجز وتتحقق حاجات كتيرة جداً فمضيعش وقتك فى كلام فاضى وبقولها لنفسى كمان علشان منخليش الذهب دة يضيع مننا ..

وأُذكر نفسى واياكم

 عايزين نبقى زى اللمبة دى :D

مُتحكمين فى  وقتنا وفى ساعتنا وفى يومنا كلة ان شاء الله.

الصـلاة

السلام عليكم ورحمة الله وبركاتة

بعد أن عرفنا أن الإنسان خلية حيوية فى هذا المجتمع وأن هذة الخلية ان صلحت صلح المجتمع بأثرة ومن أهم الأشياء التى تؤدى الى صلاح الفرد واستقامتة واعتدالة بل واستقامة حياتة كلها هى "الصلاة" كلمة صغيرة ولكن لها معانى أسمى وأرفع مما نتخيل.

صلواتنا خمسة عددهم قليقل جداً ولكن هم من أصعب الأشياء اللى بنواظب عليها مع اننا عارفين فضلها وثوابها العظيم فقد قال رسول الله صلى الله علية وسلم:

"إنى فرضت على أُمتِك خمسُ صلوات؛ وعهدت عندى عهداً : أنه من جاء يُحافظ عليهن لوقتهن أدخلتة الجنه؛ ومن لم يُحافظ عليهن فلا عهد له عندى"

وأيضاً:

قال:سمِعتُ رسول الله صلى الله علية وسلم يقول : قال الله تبارك وتعالى:

"قسمتُ الصلاة بينى وبين عبدى نِصفين؛ نِصفها لى ولعبدى ماسأل فإذا قال العبد : الحمد لله رب العالمين ، قال الله تعالى : حمدني عبدي ، وإذا قال : الرحمن الرحيم ، قال الله تعالى : أثنى علي عبدي ، وإذا قال : مالك يوم الدين ، قال : مجدني عبدي ، وقال مرة : فوض إلي عبدي ، فإذا قال : إياك نعبد وإياك نستعين ، قال : هذا بيني وبين عبدي ولعبدي ما سأل ، فإذا قال : اهدنا الصراط المستقيم ، صراط الذين أنعمت عليهم ، غير المغضوب عليهم ولا الضالين ، قال : هذا لعبدي ولعبدي ما سأل "

عقوبة تارك الصلاة:

ليس فى رزقة بركة ولا فى وجهه نور .. وعاقبتة النار.

و قال صلى الله عليه وسلم : "من ترك صلاة الصبح فليس في وجهه نور، من ترك صلاة الظهر فليس في رزقه بركة، من ترك صلاة العصر فليس في جسمه قوة،من ترك صلاة المغرب فليس في أولاده ثمرة، من ترك صلاة العشاء فليس في نومه راحة .

عن أبي هُـريــْرةَ رَضيَّ اللهُ عنه قال : قَــالَ رسولُ اللهِ صَـلَّى اللهُ عليْه ِ وسَـلـَم

"الصـَّـلواتُ الخـَمْسُ والجُمُعَـةِ إلى الجُمُعـَةِ ورَمـَـضَانَ إلى رَمـَضـَانَ مـُـكـَـفَّـرَاتٌ ما بَـيْنـَهـُنَّ "

ثمرات الصلاة:

والصلاة هى أول ما يُحاسب علية الفرد فى قبرة ..

واحنا من غير الكلام دة كلة لو فكرنا هنلاقى ان مفيش أسهل من اننا نواظب عليها بجد كل فرض بياخد مننا 5 دقايق بس .. بس احنا نعمل حاجة أول مانسمع الأذان نقوم على طول نتوضى ونصلى وبكدة نبقى تغلبنا على شيطانا بجد .

الصلاة حوار بين العبد وربة ووسيلة للتقرب الى الله .. فهل ممكن ترفض الوسيلة دى ؟ ولا لازم نُهرول ونُسرِع لنتقرب الية وبجد الانسان لما يواظب عليها بتصلح حياتة كلها وبيبقى مُطمئن كدة ..

فلنبدأ معاً ..وأُذكر نفسى واياكم 

 

 

 

الانســان

السلام عليكم ورحمة الله وبركاتة

ان الانسان يُمثل خلية فى المجتمع فان صلحت هذة الخلية التى يتألف منها المجتمع صلح

المُجتمع بأثرة واذا فسدت فسد المُجتمع .. والفرق بين انسان وانسان آخر ليس فى جمال المظهر ولا فى كثرة المال انما فى ثراء العقل بالأفكار وثراء الروح بالأخلاق.

ومن يُفسد فى الأرض يُخَلد فى النار ومن يفعل خيراً فكأنما يُهيىء لنفسة مكاناً فى الجنة ويؤكد الله أنة لا يُحب المفسدين بل يمقُتهم ويبغضهم ..فلن يبقى فى الحياة غير العمل الصالح

وأُذكر نفسى واياكم بقول الرسول صلى الله علية وسلم:

"إِنَّ اللَّهَ لَا يَنْظُرُ إِلَى صُوَرِكُمْ وَأَمْوَالِكُمْ وَلَكِنْ يَنْظُرُ إِلَى قُلُوبِكُمْ وَأَعْمَالِكُمْ"

فالله يهتم بالجمال الباطن جمال العلم والعقل والكرم والعفة والأخلاق

فعلينا دائماً تذكر هذا الحديث فى كل وقت وفى كل حين

سبب انشاء هذة المُدونَة

السلام عليكم ورحمة الله وبركاتة

فى الحقيقة عُمر ما جه فى بالى أبداً انى أعمل مُدونَة  .. بس الفكرة جاتلى فى سنة أولى الترم الثانى

لأنى لما كنت بنزل أى مواضيع دينية فى سايت الكلية بتتمِسح على طول وبصراحة كنت بتضايق جداً

فقولت مش معقولة انى لما أحب أنصح اخواتى واخوانى الموضوع يتمسح فجة فى بالى انى أعمل مُدونَة وانا أكون

صاحبتها وانا اللى ليا الحق انى أمسح أو أحط أو أشيل يعنى أعمل اللى أنا اللى عايزاة وأكتب اللى أنا عايزاة

من غير ما حد يقولى حاجة أو يعترض على حاجة يعنى من غير أى قيود.

ان شاء الله هنزل مواضيع كتيرة أوى بنصح نفسى فيها قبلكم .. علشان البلد دى عمرها ماهتتغير الا لما احنا الأول نتغير

وأخيراً عايزة أقول "مُنذ ولادتنا ونحن نفتخر بالاسلام .. فمتى يفتخر الاسلام بنا"