السلام عليكم ورحمة الله وبركاتة
إن الإنسان يبحث عن مثل أعلى يقتدى بة فى حياتة، وعندئذٍ تختلف المشارب فمنهم من يعجبة شكل إنسان فينبهر بة ويُقلدة فى هيئتة وملبسة بل وفى حركاتة، ومنهم من يُقلد إنسان آخرلطلاقتة وعذوبة حديثة، وهكذا ..
وقد نسى هؤلاء أن الكمال البشرى يتكون من ثلاثة أوجه: كمال الخلق، فضائل الأقوال وفضائل الأعمال .. وهذة المكونات قد جمعها سيد البشر سيدنا محمد صلى الله علية وسلم
فإذا أردت أن تكون فكن متأسياً بسيد الخلق ولد بنى آدم الذى إختارة الله قدوة للمسلمين إلى يوم الدين
--< لقد كان فى رسُول اللهِ أُسوةٌ حسنةُ لمَن كان يرجو اللهَ واليوم الأخر >--
المسلم الحق سواء بنت أو ولد ، رجل أو إمرأة أياً كان جنسة أو ديانتة المفروض يكون قُدوة حسنة لغيرة سواء كانوا من نفس ديانتة أو من ديانة أُخرى ..
المسلم مش بس كلمة أو إسم .. لأ .. دة عبارة عن مجموعة أفعال ..
فإنتقى أفعالك ، وتحلى بأخلاق المسلم الحق وكُن صورة مُثلى ، صورة تُعبر عن جمال و روعة ديننا الحنيف ..
السؤال اللى عايزة أسالة : مين هو أو هى قدوتك بعد الرسول صلى الله علية وسلم ؟
وإية سبب إقتدائك بية / بيها ؟؟
جزاكي الله خيرا يا نسمه
ردحذفممكن يكون رد غريب
بس بالنسبه ليا هي بنت خالي بعتبرها قدوتي بعد الرسول
لانها ماشاء الله متدينه جدا حافظه تقريبا 2/3 القرأن
كمان هي في معهد اعداد دعاه وان شاء الله هتقدم في معهد القراءت العشر السنه دي
غير انها مدرسه رياضه (ماشاء الله متفوقه جدا)
يمكن بعتبرها قدوتي لان فعلا حتي الان بتعلم منها وبتساعدني في المشاكل اللي بتقابلني ودائما بتفكرني بديني
ناس كتير اوي :D
ردحذفباختصار
الناس اللي أثّروا في حياتي و هما:
ماما و بابا.
أمل(واحدة قاريبتنا) : بعتبرها مامتي التانية.
بيسو و اسماء و اسماء و يسري: اتعرفت عليهم في المسجد و كان ليهم باردو دور كبير أوي بالنسبة لي.
و أما ببقي محتارة في حاجة بتخيلهم أمامي و أشوف هل هما كانوا هيعملوا كدة, لو لأ أعرف أنه بلاش.
بجد أحلي صحبة قابلتهم في حياتي كلها... صحبة المسجد مش بتتعوض أبدا.
أستاذ عمرو خالد: ما شاء الله بجد مركز في رسالته جدا, تحسي في حلقاته كل لحظة بيوصلنا معني جديد, مثلا في مجددون أول حلقة اما قال في الاخر عايز أسلم علي واحد واحد فيكوا, هو تقريبا قال كدة تعمدا عشان نشوف انه سلم علي الرجالة و ماسلمش علي الستات, يعني بدل ما يقول ماتسلموش علي الستات يقوم عاملها و كدة بتثبت و بتأثر أكتر.
و ما شاء الله انسان مؤثّر جدا, مثل لانسان مسلم ناجح.
أبي في كل مجالات الحياة تقريبًا...أحيانا بحس إني عاوزة اعمل قناة توصيل بين عقلي و عقله عشان اعرف المعلومات اللي فيه D:
ردحذفأمي في الطيبة و معاملة الناس
أخواتي في الحب و التعاون و النصح
هي كقاعدة عامة: كل إنسان يؤخذ منه و يرد
ففي ناس كتير في حياتي ممكن يكونوا قدوة في حاجة معينة...حب العلم...التسامح...الهدوء...العطاء...
اولا بقى لسه وانا جايه كنت بسأل نفسى السؤال ده بس مش لقيه انوا حد واحد يعنى اولا بابا و ماما بجد فيهم مميزات حلوه اوى نفسى تبقى عندى. ثانيا تقريبا بحاول اخد من كل الى حوليه وكل الى اعرفهم احلى حاجه فيهم واكتسبها و بجد بجد ناس كتير اوى غرزوا فيه حاجات وهما مش عرفين ده :) واخيرا شكرا يا فنده على الموضوع مع انوا جالى قبلك :]
ردحذفناس كتير
ردحذفكل واحد له ميزة
Sarah Monem:
هو سلم عليهم مش علشان يقولنا متسلموش على النساء
لكن سلم عليهم علشان هما كانوا واحشينه وهو مكانش شافهم من ساعة ما وصلوا لبنان
وكانت اول مرة يشوفوه من ساعة ما البرنامج ابتدى لما بدأوا تصوير الحلقة فعلا
الكلام ده قريته فى مدونات المجددون على الموقع http://www.mujaddidun.com
السلام عليكم ورحمة الله وبركاته
ردحذفجزاكي الله كل خير يانسمتي:)
القدوة ليا بعد رسول الله كل واحد بيخلص لله يعني مثلا بابا قدوتي في صلة رحمة بامه وحبه لها اكثر من نفسه وانه بيحاول يطيعها ويريحها ويسعدها وده سر نجاحة دلوقت لانها بتدعيلة اكثر واحد وبتقوله ربنا يريح قلبك :)ويعلي مراتبك وماشاء الله كان بيطلع من اوائل كلية الشرطة ثم ظابط ناجح.
تاني حاجة اخلاصة في عمله :بيشتغل علي قد ما يقدر ويجي متاخر لازم يخلص كل الوراه ويتقن في عمله علي حساب تعبة وارهاقة بل وسعيد بذلك
في بنات كتير اوي باتخذهم قدوة ليا في تدينهم واخلاقهم وحبهم لله ولبسهم المحترم و.......
علي راي رنا مش لازم يبقي لينا قدوة واحده لا اخذ من كل شخص مميزاتة واترك عيوبه لان لا يوجد شخص يخلو من العيوب ربنا يوفقنا في سنة تالتة وويسرها لنا :)
السلامم عليكم
@ غير معرف
ردحذفماشي يا فندم.
@سناء: نورتى يا فندم :D وردك مش غريب خالص القدوة مش شرط يكون حد مشهور أو ماما وبابا ممكن عادى تكون صحبتك أو أى حد أثر فيكى أو بيأثر فيكى بأعمالة وأفعالة
ردحذف@الباقى: جزاكم الله خيراً كثيراً وهية دى الحاجات اللى عايزة أوصلها من سؤالى :
"هي كقاعدة عامة: كل إنسان يؤخذ منه و يرد
ففي ناس كتير في حياتي ممكن يكونوا قدوة في حاجة معينة...حب العلم...التسامح...الهدوء...العطاء..."
و
"بحاول اخد من كل الى حوليه وكل الى اعرفهم احلى حاجه فيهم واكتسبها"
و
"ناس كتير كل واحد له ميزة"
و
"مش لازم يبقي لينا قدوة واحده لا اخذ من كل شخص مميزاتة واترك عيوبه لان لا يوجد شخص يخلو من العيوب "
طبعاً بعد الرسول صلى الله علية وسلم + حد معروف أو شيخ زى أستاذ عمرو خالد تكون حياتة كلها إنجازات ، حياة صح بمعنى الكلمة :) أو شخص أثر فى حياتك ومش شرط يكون مشهور ..
جزاكم الله كل خيير على مشاركتكم الفعالة :D
Great Topic ya nasooooooma
ردحذفAna ba2a qodwety hoya my mum ba7beha awy we ba7es enha 3azema we moda7ya we bet7eb el nas we motdayna ya rab awsel le goz2 men elly 3andha